Bli medlem
Bli medlem

Du är här

2021-11-01

VÍS: Tilkynning vegna viðskiptavaktar

VÍS hefur endurnýjað samning við Arion banka hf. um viðskiptavakt á hlutabréfum útgefnum af félaginu í Kauphöll Íslands NASDAQ OMX Iceland.

Samningurinn kveður á um að Arion banki skuli dag hvern leggja fram kaup- og sölutilboð í hlutabréf útgefin af VÍS í viðskiptakerfi Kauphallar Íslands. Hvert kaup- og sölutilboð skal vera að lágmarki 1.000.000 hlutir að nafnvirði á gengi sem Arion banki ákveður, en þó ekki með meira en 3% fráviki frá síðasta viðskiptaverði. Verðbil kaup- og sölutilboða skal ákvarðað með hliðsjón af verðskrefatöflu Kauphallarinnar eins og hún er hverju sinni þannig að verðbil verði sem næst 1,5% en þó ekki minna en 1,45%. Þó skal viðskiptavaka vera heimilt að fara tímabundið undir framangreint viðmið s.s. vegna aðstæðna sem skapast vegna verðskrefatöflu Kauphallarinnar.

Eigi Arion banki viðskipti með bréf félagsins fyrir 100 m.kr að markaðsvirði eða meira innan dags, sem fer um veltubók Arion banka (markaðsvakt bankans), falla niður skyldur um hámarksmun kaup- og sölutilboða innan þess dags.
  
Samningurinn er ótímabundinn og kemur til framkvæmda frá og með 1. nóvember 2021. Samningurinn er uppsegjanlegur af beggja hálfu með 14 daga fyrirvara.


Författare GlobeNewswire