Bli medlem
Bli medlem

Du är här

2016-05-17

Leiðandi hagvísir Analytica – Kortavelta og fiskafli knýja hækkun í apríl

li knýja hækkun í apríl

REYKJAVIK, Iceland, 2016-05-17 10:00 CEST (GLOBE NEWSWIRE) -- Leiðandi hagvísir
Analytica (e. Composite Leading Indicator) hækkaði áfram í apríl, nú um 0,1%.
Gildi hagvísisins hefur ekki verið hærra í uppsveiflu síðan 2006. Hagvísirinn
bendir til hagvaxtar yfir langtímaleitni.

Hækkunin nú skýrist af aukinni kortaveltu heimila, vexti innflutnings, meiri
fiskafla og hækkun væntingavísitölu. Áfram eru áhættuþættir í ytra umhverfi sem
ógnað gætu hagvexti einkum tengdir stöðunni í alþjóðastjórnmálum, óvissu í
efnahagsmálum nýmarkaðsríkja og Kína og áhrifum á helstu viðskiptalönd.

Hagvísirinn er vísitala sem gefur vísbendingu um efnahagsumsvif að sex mánuðum
liðnum. Það er hlutverk vísitölunnar að veita skýra sýn á efnahagshorfur og
vara tímanlega við viðsnúningi í efnahagsumsvifum. Vísitalan er reiknuð á
grundvelli sömu aðferðafræði og annars staðar þar sem sambærilegar vísitölur
eru reiknaðar en sérstaklega er tekið mið af verklagi OECD.

Leiðandi hagvísir Analytica er samansettur úr sex undirþáttum af mismunandi
toga. Um er að ræða aflamagn, debetkortaveltu, ferðamannafjölda, heimsvísitölu
hlutabréfa, innflutning og væntingavísitölu Gallup. Í apríl hækka fimm af sex
undirþáttum frá fyrra ári. Frá í mars hækka fjórir af sex undirþáttum.

Hugmyndin að baki vísitölunni er sú að framleiðsla hefur aðdraganda. Vísitalan
er reiknuð á grundvelli þátta sem mælast í upphafi framleiðsluferilsins og/eða
veita vísbendingar um eftirspurn eftir vörum og þjónustu. Til að unnt sé að
auka framleiðslu þarf t.d. að afla aðfanga og stofna til fjárfestinga.

Leiðandi hagvísir Analytica hækkar um 0,1% í apríl og tekur gildið 102,8, sjá
töflu 1. Sú tala á að gefa vísbendingu um framleiðslu sex mánuðum síðar þ.e. í
október 2016. Hagvísirinn tekur gildið 100 þegar búist er við að
landsframleiðsla sé í takt við langtímaleitni.

Tafla 1. Leiðandi hagvísir Analytica 2015-2016

Breyting (%) Vísbend-
-------------------------
Vísitala í mánuði frá fyrra ári ing fyrir
2015
apríl 100.2 -0.1% 0.0% okt.
maí 100.2 0.1% 0.2% nóv.
júní 100.4 0.2% 0.6% des.
júlí 100.8 0.3% 1.3% jan. 2016
ágúst 101.1 0.4% 1.9% feb.
september 101.4 0.2% 2.2% mars
október 101.6 0.2% 2.3% apríl
nóvember 101.8 0.3% 2.4% maí
desember 102.1 0.3% 2.4% júní
2016
janúar 102.4 0.3% 2.4% júlí
febrúar 102.6 0.2% 2.4% ágúst
mars 102.7 0.1% 2.5% sept.
apríl 102.8 0.1% 2.6% okt.

Birting leiðandi hagvísis Analytica fyrir maí er áformuð þann 20/6 2016.

Nánari upplýsingar veitir Yngvi Harðarson hagfræðingur

Sími: 527 8890 - Tölvupóstur yngvi@analytica.is

Författare SSE

Tala om vad ni tycker

Tala om vad ni tycker

Ni är just nu inne på en betaversion av nya aktiespararna. Lämna gärna feedback på vad ni tycker i formuläret nedan.