Bli medlem
Bli medlem

Du är här

2020-07-08

OR áfrýjar dómi í máli gegn Glitni

Orkuveita Reykjavíkur hefur falið lögmanni sínum að áfrýja dómi Héraðsdóms Reykjavíkur í dag til Landsréttar þar sem fyrirtækinu er gert að greiða 740 milljónir króna auk dráttarvaxta vegna uppgjörs afleiðusamninga sem gerðir voru við Glitni á árunum fyrir hrun. 

Dómurinn virðist ekki hafa tekið tillit til helstu sjónarmiða Orkuveitu Reykjavíkur í málinu. Þau eru annarsvegar að þrotabú Glitnis, sem stefndi OR, eigi ekki aðild að málinu þar sem slitastjórn bankans framseldi íslenska ríkinu kröfuna árið 2016. Þá var af hálfu OR lögð fyrir dóminn matsgerð þar sem niðurstaðan er sú að bankinn hafi í raun verið ógjaldfær þegar í janúar 2008 og samningarnir þá gjaldfallið. 

OR hefur greint frá málaferlunum í ársreikningum fyrirtækisins og lagt til hliðar höfuðstól kröfu slitastjórnarinnar, 740 milljónir króna, sem varúðarfærslu. Dómsfjárhæðin kemur ekki til greiðslu fyrr en lokaniðurstaða dómstóla liggur fyrir, hvort sem það verður fyrir Landsrétti eða Hæstarétti.

 

Úr ársreikningi OR:
Meðal annarra skammtímaskulda eru færðir gjaldfallnir afleiðusamningar. Samningarnir hafa ekki verið gerðir upp
en málaferli eru í gangi vegna þeirra. Mikil óvissa ríkir um hvernig meðhöndla eigi uppgjör þeirra. Á fyrri tímabilum
hafa verið skuldfærðar 740 milljónir kr. vegna þessara samninga í bókum OR. Með skuldfærslunni felst ekki
viðurkenning á skuldinni af hálfu Orkuveitu Reykjavíkur og getur fjárhæðin hækkað eða lækkað þegar
samningarnir verða gerðir upp. Samningarnir eru flokkaðir með öðrum skammtímaskuldum

 
 
   
Nánari upplýsingar:
Elín Smáradóttir
Yfirlögfræðingur Orkuveitu Reykjavíkur
Sími 617 7792
 


Tala om vad ni tycker

Tala om vad ni tycker

Ni är just nu inne på en betaversion av nya aktiespararna. Lämna gärna feedback på vad ni tycker i formuläret nedan.