Bli medlem
Bli medlem

Du är här

2020-09-08

Skeljungur hf.: Karen Rúnarsdóttir ráðin sem framkvæmdastjóri einstaklingssviðs Skeljungs

Karen Rúnarsdóttir hefur verið ráðin sem framkvæmdastjóri einstaklingssviðs Skeljungs. Samhliða forstjórastarfinu hefur Árni Pétur Jónsson leitt einstaklingssviðið undanfarið ár en Karen tekur nú við því starfi og kemur inn í framkvæmdastjórn Skeljungs.

Karen hefur víðtæka reynslu af því að starfa á einstaklingsmarkaði en undanfarið hefur hún starfað sem sviðsstjóri stafrænna lausna og markaðssviðs hjá Lyfju. Áður starfaði hún m.a. sem markaðsstjóri Krónunnar, framkvæmdastjóri Zara á Íslandi og hjá Íslandsbanka. Karen er með B.Sc. gráðu í viðskiptafræði frá Háskóla Íslands.

Árni Pétur Jónsson forstjóri:

„Ég er afar ánægður að fá Karen til liðs við okkur og er ég sannfærður um að styrkleikar og reynsla hennar muni efla okkur verulega á einstaklingsmarkaðnum. Skeljungur hefur verið að stíga stærri skref undanfarið á þeim markaði og kominn tími á að við bætum við okkur öflugum liðsmanni til að leiða einstaklingssviðið áfram. Ég mun því stíga til hliðar sem framkvæmdastjóri þess sviðs og einbeita mér að starfi mínu sem forstjóri samstæðunnar. Karen er mikilvægur liðsmaður í framkvæmdastjórn og mun auka breidd okkar enn meir. Ég býð hana velkomna í stjórnendahóp Skeljungs.“

Nánari upplýsingar veitir Árni Pétur Jónsson, forstjóri, fjarfestar@skeljungur.is.

www.skeljungur.is
https://www.linkedin.com/company/skeljungur-hf/

Författare Skeljungur hf.

Tala om vad ni tycker

Tala om vad ni tycker

Ni är just nu inne på en betaversion av nya aktiespararna. Lämna gärna feedback på vad ni tycker i formuläret nedan.